Consultoría

Cidadanía conta cunha ampla experiencia na análise, planificación, seguimento e avaliación de estratexias, plans, programas ou actuacións realizadas desde diferentes administracións públicas. Temos traballado con administracións autonómicas e locais, entidades xestoras de programas europeos, así como colectivos e asociacións de diferentes ámbitos.

Avaliamos a utilidade, eficacia e eficiencia das actuacións públicas tendo en conta criterios que redunden en beneficio dos colectivos implicados e da mellora do funcionamento das entidades e institucións.

Tanza. Ideación e promoción de iniciativas de economía circular

Grupos de Acción Local do Sector Pesqueiro | Entidades locais e asociacións de inclusión

Este proxecto de cooperación dos Grupos de Acción Local do Sector Pesqueiro (GALP) promoveuse co obxectivo de idear e poñer en marcha proxectos de economía circular nas zonas costeiras. Durante o proxecto puxemos en contacto as necesidades do sector pesqueiro e das entidades de inclusión social, así como as potencialidades para colaborar na procura de iniciativas conxuntas. Tanza foi o xérmolo de proxectos innovadores arredor da inclusión e a sustentabilidade: Aula Sostible do Freixo, #Amecomar, #Diversiplás e #BurelaIN.

Indicación xeográfica protexida dos viños galegos

Grupos de Desenvolvemento Rural

Colaboramos cos Grupos de Desenvolvemento Rural na dinamización e promoción das Indicacións Xeográficas Protexidas (IXP) de Viños de Galicia. Este proxecto de cooperación ten por obxectivos favorecer a comunicación entre adegas, poñendo en valor a calidade dos seus viños, así como os recursos patrimoniais, paisaxísticos e gastronómicos das súas comarcas. A través do produto local, preténdese situar aos territorios como destinos enoturísticos privilexiados, contribuíndo ao desenvolvemento da economía local e do medio rural.

https://xn--vios-hqa.ixp.gal/gl

Elaboración das normas técnicas de artesanía alimentaria

AGACAL

Galicia destaca pola calidade dos seus produtos e conta cun sector primario con tradición. A Axencia Galega de Calidade Alimentaria promove a regulación destas actividades, tendo en conta a perspectiva dos sectores produtivos, que identifican as materias primas autorizadas, os procesos de elaboración, os límites de produción, e presentación e envases dos produtos, a rastrexabilidade e rexistros necesarios, e o control e hixiene, na elaboración das normas técnicas de cada produto. O fin último desta regulación é o de promover e defender a calidade alimentaria dos produtos galegos.

Actualidade

Comeza Mariscadoras ConCiencia na Ría de Vigo

Publicado o 6 de Setembro de 2024 | Actualidade

ANMUPESCA promove Mariscadoras ConCiencia, un proxecto no que tecer pontes entre o ámbito científico – investigador e o sector do marisqueo a pé da Ría de Vigo. Ao longo destes meses visitaranse as zonas de extracción do fondo da Ría de Vigo, onde analizaremos no terreo a situación dos areais ante a mortandade los bivalvos.

Consultoría

Que facemos

Tanza. Ideación e promoción de iniciativas de economía circular

Indicación xeográfica protexida dos viños galegos

Elaboración das normas técnicas de artesanía alimentaria

Actualidade

Comeza Mariscadoras ConCiencia na Ría de Vigo

Publicacións

Nas redes sociais

Consultoría

Que facemos

Actualidade

Publicacións

Nas redes sociais

Aviso de cookies