Ponse en marcha a Aula Sostible do Freixo

Este proxecto nace da colaboración entre a Asociación de Mulleres do sector pesqueiro de Muros – Noia con distintas asociacións de inclusión social (ADISBISMUR, A Creba e Asociación Misela), a raíz do traballo promovido polo proxecto Tanza. A Aula Sostible do Freixo consiste no acondicionamento e dotación dun obradoiro de transformación de plástico na parroquia do Freixo, onde se levarán a cabo actividades para dar unha segunda vida a plásticos procedentes do mar e da actividade marítimo – pesqueira, que sexan de utilidade para o propio sector pesqueiro tras a súa transformación.

O proxecto foi financiado polo GALP Costa Sostible, promovendo o contacto do sector pesqueiro co da inclusión social, no desenvolvemento sostible do territorio.