Entradas

Continuamos coa formación dirixida ás Mesas Locais de Coordinación contra a violencia machista

|

As Mesas locais de coordinación interinstitucional contra a violencia de xénero teñen por obxectivo constituír un espazo conxunto no que compartir recursos, información e pautas de intervención para a mellora da atención integral ás vítimas de violencias machistas.

Durante este acompañamento nos concellos galegos, analizamos o desesenvolvemento da Mesa local de coordinación dende a súa constitución, identificamos aqueles fitos acadados e tamén os puntos a mellorar, e realizamos propostas de actuación concretas que reforcen a operatividade da Mesa local de coordinación.

Esta formación, ofertada por parte da Secretaría Xeral da Igualdade, pretende apoiar aos concellos galegos na coordinación e atención ás mulleres en situación de violencia, xerando un espazo no que os Centros de Información ás mulleres (CIM) e servizos sociais, centros de saúde, forzas e corpos de seguridade do Estado, persoal político e o ámbito xudicial poidan compartir información para mellorar a atención ás mulleres en situación de violencia machista.

Acompañamos ás entidades locais no reforzo da coordinación contra as violencias machistas

|

Ao longo do 2023 continuaremos traballando con distintos concellos galegos na posta en marcha das Mesas de coordinación inter – institucional contra a violencia de xénero. Ademais, reforzaremos as dinámicas de Mesas xa constituídas que precisen dun impulso para mellorar o seu funcionamento, definindo estratexias para salvar obstáculos aos que se enfrontan estes espazos e detectando posibles necesidades dos ámbitos participantes.

Esta formación, ofertada por parte da Secretaría Xeral da Igualdade, pretende apoiar aos Concellos galegos na coordinación e atención ás mulleres en situación de violencia, xerando un espazo no que os Centros de Información ás mulleres (CIM) e servizos sociais, centros de saúde, forzas e corpos de seguridade do Estado, persoal político e o ámbito xudicial poidan compartir información para mellorar a atención ás mulleres en situación de violencia machista.

Xornadas provinciais de impulso ás Mesas de coordinación contra a violencia machista

|

A Secretaría Xeral da Igualdade desenvolve dende o ano 2018 distintas iniciativas para impulsar a coordinación inter – institucional entre axentes que interveñen en procesos de violencia de xénero. A finais do ano 2022, dende Cidadania apoiamos na organización de catro xornadas provinciais, nas que participaron arredor de 90 profesionais de perfil técnico e político.

O obxectivo das xornadas centrouse na xeración dun espazo de intercambio de coñecementos sobre accións desenvoltas no ámbito municipal. Nestas xornadas leváronse a cabo faladoiros e grupos de traballo nos que promover a transferencia de experiencias de éxito postas en marcha desde os territorios en termos de intervención contra a violencia de xénero. Ademais, os espazos permitiron poñer  en común boas prácticas de coordinación e intervención, promovendo o fortalecemento da rede institucional contra a violencia de xénero.

Podes ler máis sobre as xornadas neste enlace.

Dinamización e posta en marcha das Mesas Locais de coordinación contra a violencia de xénero

|

En colaboración coa Secretaría Xeral da Igualdade, estamos realizando un acompañamento a distintos concellos galegos que queren poñer en marcha ou dinamizar as Mesas Locais de coordinación inter – institucional contra a violencia de xénero.

Este espazo formativo ten como obxectivo impulsar a posta en marcha deste traballo grupal, e reforzar a participación dos e das axentes implicados nas Mesas Locais. Tamén ponse o foco en mellorar a eficiencia do espazo (establecemento de obxectivos, toma de decisións, dinamización das reunións, etc).

As Mesas Locais pretenden fortalecer a resposta institucional contra a violencia de xénero, ofrecendo unha atención integral e coordinada ás mulleres que se atopan nunha situación de violencia machista. Entre os obxectivos xerais das Mesas sitúanse a detección de casos, a mellora na coordinación entre axentes implicados na loita contra a violencia de xénero para abordala de xeito integral, a formación entre profesionais e a sensibilización en igualdade de cara á sociedade.