Damos apoio ao Centro de Supercomputación de Galicia na elaboración e posta en marcha da enquisa de produción científica, co obxectivo de coñecer a aplicación do uso dos seus servizos para o avance científico.
Unímonos a Solidariedade Internacional de Galicia e ECIGAL da UdC para indagar sobre os Liderados Xuvenís Transformadores. Da man de experiencias promovidas pola mocidade galega, achegámonos a maneira en que rapazas e rapaces transforman a sociedade a través da súa participación.
Percorremos a liña de costa da Mariña Ortegal en xornadas promovidas polo Grupo de Acción Local do Sector Pesqueiro deste territorio, na posta en común de experiencias inspiradoras replicables que fortalezan a economía local.
O Concello de Santiago celebra o III Premio á excelencia empresarial, onde Cidadania recibe o premio ás boas prácticas de empresas de economía social. Agradecemos ao Concello de Santiago este recoñecemento institucional, e parabenizamos a todas as empresas participantes!
Costa da Morte – Terra Atlántica celebra a xornada 8 romarías na que, a través de oito propostas gastronómicas, pon en valor os produtos do mar, do agro, a artesanía e o patrimonio cultural da Costa da Morte.
A Aula Sostible de Outeiriños estréase cuns obradoiros de artesanía relacionados co aproveitamento das redes de pesca en desuso. A asociación de mulleres do mar da Ría de Muros – Noia Costa Sostible, ADISBISMUR e MISELA participan desta formación, impartida pola Asociación Illa da Estrela.
As escolas do mar pretenden prender a curiosidade da mocidade polos oficios do mar. Redeiras e mariscadoras da Costa da Morte e do Ortegal explican ao alumnado en que consiste o seu traballo, mentres que a rapazada indaga sobre a súa cultura mariñeira.
O pasado venres, EspazoCoop organizou a xornada Consolida+, na que deu a coñecer os resultados do programa de acompañamento e 3 cooperativas consolidadas compartimos a nosa traxectoria coas persoas asistentes.
ANMUPESCA promove Mariscadoras ConCiencia, un proxecto no que tecer pontes entre o ámbito científico – investigador e o sector do marisqueo a pé da Ría de Vigo. Ao longo destes meses visitaranse as zonas de extracción do fondo da Ría de Vigo, onde analizaremos no terreo a situación dos areais ante a mortandade los bivalvos.
O Concello de Burela pon en marcha dous proxectos ao abeiro das axudas do FEMPA. Burela Alumea xirará entorno á recuperación e posta en valor do patrimonio cultural material e inmaterial pesqueiro. Ondas Limpas centrará as actividades no desenvolvemento dun programa de sensibilización – acción medioambiental.
Cidadanía Rede de Aplicacións Sociais, S. Coop. Galega.