Nace Ostras do Ártabro!

A confraría de Pontedeume acolleu esta semana a presentación do proxecto Ostras do Ártabro, impulsada en conxunto polos pósitos de Pontedeume e Barallobre (Fene) para poñer en valor a ostra rizada como producto local de calidade. O acto celébrase no marco da Estratexia de Desenvolvemento Local Participativo (EDLP) do GALP Golfo Ártabro Norte, e reuniu a representantes do sector pesqueiro, institucional e técnico, nunha aposta por transformar un produto que ata hai pouco era considerado unha especie invasora. Trátase de explorar as posibilidade de convertela, a través da transformación, nun recurso gastronómico con identidade propia.

A iniciativa ten por obxectivo promover o consumo en fresco da ostra rizada, e desenvolver unha proposta para a súa transformación en conserva artesanal, que dinamice o mercado local e a economía de proximidade. Na xornada vimos algúns resultados elaborados con ostra rizada desenvoltos por Nair González, de Muelle 43 Mugardos, que dan boa conta da importancia de investigar, formarse, elaborar e divulgar este recurso para valorizalo.