Estes cursos, organizados por Espazocoop e impartidos por Cidadanía, comezarán o 14 de febreiro e o 1 de marzo, respectivamente, baixo un formato mixto: formación en liña con dúas sesións presenciais cada un deles. Son de balde.
Se queredes mellorar o desenvolvemento das vosas reunións e asembleas e se queredes pautar a organización interna das vosas cooperativas, esta é unha boa oportunidade.
Máis información e inscricións aquí.
Sete curtas documentais conforman xa a filmografía do programa Vidas mariñeiras.
Elaboradas en 2017 e 2018 por alumnado de secundaria e bacharelato de centros públicos de Pontedeume, Fene, Ares, Ferrol, Burela e Foz, dannos unha visión da vida e o traballo no mar, poñendo en valor o extenso patrimonio e promovendo o respecto do medioambiente mariño e costeiro
Os Grupos de Acción Local do Sector Pesqueiro do Golfo Ártabro Norte e da Mariña-Ortegal promoven esta iniciativa, financiada a través do Fondo Europeo Marítimo e de Pesca.
Convidámosvos a unha sesión de cine que vos conmoverá, como a nós: http://www.vidasmarineiras.gal/peliculas
Cidadanía Rede de Aplicacións Sociais, S. Coop. Galega.