REAS lanza unha guía de Iniciativas de Economía Solidaria fronte ao COVID-19

| ,

REAS Red de redes lanza esta guía colaborativa e en construción para mapear propostas e iniciativas que se están a articular dende a Economía Solidaria e a cidadanía na situación provocada polo COVID-19.

O obxectivo desta guía é o de poñer a disposición das persoas un instrumento colaborativo, vivo e creado de xeito participativo, que mostre iniciativas de denuncia, resistencia e alternativas desenvoltas no Estado fronte á situación sanitaria, co convencemento de que as iniciativas de Economía Social e Solidaria poden axudar no contexto actual.

Nesta guía recóllense iniciativas sociais de consumo, coidados, cultura e produción, entre outras. Tamén achégase unha reflexión sobre esta crise, baseada na Carta de Principios da Economía Solidaria. E por último, compártense unha selección de artigos de interese.

Queres contribuír a xerar valor social en Galicia? Coñece Coop57!

| ,

Cando gardas o teu aforro en Coop57, os teus cartos poden iniciar diversos camiños pero sempre cun rumbo común: contribuír á transformación social positiva da nosa economía e da nosa sociedade.

Coop57 é unha cooperativa de servizos financeiros éticos e solidarios que apoia proxectos da economía social e solidaria, próximos, viables e democráticos, que coidan do medio ambiente e fomentan a inclusión social.

NUMAX, Milhulloa, Semente Trasancos ou Ecos do Sur, e moitas outras entidades, teñen empregado os servizos de Coop57 para financiar os seus proxectos nos últimos dez anos. Agora é o momento de facer que os teus cartos contribúan a xerar valor social en Galicia.

Podes saber mais sobre Coop57 premendo neste enlace.

Aforra en Coop57 #UnRumboComún

Ana González, nova socia de Cidadania

| ,

Estamos de noraboa en Cidadania: Ana González súmase ao noso equipo como socia. Aínda que leva un tempo con nos, a alta como socia na cooperativa formalizouse neste mes de marzo.

Non podemos estar máis contentas, sumando ao equipo unha profesional que nos achega novas formas de facer desde unha perspectiva feminista e transformadora.

Orgullosas de seguir medrando e apostar desde o cooperativismo pola igualdade e a xeración de emprego. Nesta semana na que temos presente o 8M, non podiamos festexalo de mellor forma!