REAS RdR cumpre 25 anos e convida ás entidades da ESS a participar no Balance Social 2020

“Non aceptes o habitual como cousa natural. Porque en tempos de desorde, de confusión organizada, de humanidade deshumanizada, nada debe parecer natural. Nada debe parecer imposible de cambiar”

Bertolt Brecht

REAS Red de Redes leva 25 anos traballando baixo esta idea, construíndo un tecido de iniciativas que, dende a sostibilidade e a autoxestión, demostran a viabilidade que supón centralizar ás persoas fronte aos beneficios.

O traballo en rede e a intercooperación promovida dende REAS logrou nestes anos agrupar a case 800 entidades, 44.000 persoas, baixo os grandes principios da Carta de principios da Economía Solidaria. Podes consultar mais datos interesantes nesta infografía.

E como se leva a cabo este traballo? A través de 3 liñas estratéxicas: levando a cabo unha incidencia social e política; fortalecendo o traballo en rede; e consolidando instrumentos comúns.

Ademais, estes días convídannos a todas as entidades que formamos parte da ESS a formar parte do Balance Social 2020, sobre o que podedes ler neste enlace.

Parabéns, e por moitos anos!

En Solidariedade Internacional de Galicia están de estrea!

Neste post queremos compartir con vos a nova web que estrea o equipo de profesionais de Solidariedade Internacional de Galicia. Para visitala, premede neste enlace.

O novo deseño da web pon de manifesto os valores que vertebran a organización, as súas ilusións, o seu compromiso e profesionalidade, e a súa historia. Ademais, comparten os proxectos que desenvolven na actualidade a través da cooperación, a educación, o traballo en rede e o comercio xusto.

Dende Cidadanía queremos agradecervos a aprendizaxe mutua nestes anos, e felicitarvos por esta nova imaxe na web.