A Laracha destaca pola gran produción local de produtos da horta. As persoas que desenvolven esta actividade económica están amplamente profesionalizadas, apostando polo produto de proximidade e pola calidade singular dos seus produtos. Desta maneira, incorpórase xente nova, fixando poboación e xerando emprego e riqueza no territorio.

Horta la Laracha é unha aposta local por poñer en valor estes produtos. Nesta sétima edición, participaron empresas produtoras, que amosaron ao público leitugas, tomates, patacas, xudías, pementos … e outros produtos da terra como mel e viños, e transformados como as marmeladas. Destacamos a participación e implicacións de todas elas: Horta das Táboas, Asociación A Terriña, Horta Bértoa, Ramisquido & Medoña, Verduras Chelín, Asociación Horta do Noroeste, Sementares, Patacas de Coristanco Nela, Love Green Project, Verxel Galego, Apropaco. Así mesmo, agradecemos a Mel Dévalo, Acastrexa, Lutega, Orballo, Os Biosbardos e IXP Viños de Galicia.

Ademais, Horta da Laracha renovouse nesta edicición, complementando a feira de empresas produtoras con obradoiros (elaboración de velas artesanais, artesanía con rafia, elaboración de xeados e bebidas refrescantes…), música en directo, e showcooking con degustación de viños da Indicación Xeográfica Protexida de Betanzos.