Entradas

Avaliación intermedia do Fondo Europeo Marítimo, de pesca e de acuicultura

|

A comezos deste ano acompañamos ao Grupo Local de Acción Costeira (GALP) da zona da Ría de Pontevedra na avaliación intermedia da súa Estratexia de Desenvolvemento Local Participativo.

A avaliación intermedia é un proceso clave e estratéxico, xa que axuda aos grupos a analizar como se está enfocando o FEMPA na primeira metade do período, pero tamén como está funcionando a participación e a gobernanza na toma de decisións, o enfoque das accións de animación para difundir o programa entre a poboación, ou o establecemento de alianzas e redes con outros axentes relevantes.

Ao longo deste proceso participativo, analizamos os datos de execución do programa. Esta información numérica permítenos transmitir á base social unha fotografía da xestión dos fondos no territorio. Con esta base, analizaremos coa comunidade os aspectos a mellorar, os obxectivos que é preciso reforzar, ou os colectivos a atender de maneira prioritaria. Por último, trazamos unha folla de ruta para guiar a segunda metade do período FEMPA, que será validada na Asemblea Xeral.

Foro Avaliación Intermedia

O Grupo de Desenvolvemento Rural de Pontevedra – Morrazo aproba a súa estratexia 2023 – 2027 para o período LEADER

|

O GDR Pontevedra – Morrazo aprobou en Asemblea Xeral a nova estratexía 2023 – 2027 para o período LEADER. Este proceso desenvolveuse de xeito participativo, resultando nun documento que se estrutura nun plan de acción, de formación, de cooperación e de dinamización territorial.

O programa de axudas céntrase no apoio aos sectores agrario e forestal, tendendo á diversificación, á dixitalización, á transición ecolóxica e á sostibilidade. Así mesmo, trátase de fomentar proxectos que melloren a calidade de vida e benestar social da poboación do rural, priorizando investimentos dirixidos á prestación de servizos que creen emprego e reduzan o risco de pobreza. O plan de acción vincúlase coa Lei de recuperación de terras agrarias de Galicia, orientada a novos aproveitamentos do territorio, así como co Bono Activa Rural.

Podes informarte máis polo miúdo na páxina web do GDR Pontevedra – Morrazo.