Entradas

A marca do territorio Costa da Morte – Terra Atlántica participa no Festiletras

|

Esta fin de semana celebrábase na Aldea do Couto a 41 edición do Festiletras, un encontro arredor da música, da artesanía, da gastronomía, da ciencia ou do cine, entre outras moitas actividades que se dan lugar na Costa da Morte esta fin de semana.

A marca do territorio Costa da Morte – Terra Atlántica formou parte do Festiletras, poñendo en valor os produtos da terra de cinco entidades socias da marca: Granxa Moreira, La despensa de lujo, Granxa Doreiro, Ramisquido e Verxel galego. O alumnado da Escola de hostelería Paseo das Pontes puxo en marcha a sus creatividade e os seus saberes para crear un menú con produtos de proximidade nesta demostración gastronómica.

Costa da Morte – Terra Atlántica é unha marca do territorio baixo a que se amparan distintas empresas e servizos co obxectivo de potenciar a identidade da Costa da Morte, en base ao reforzo e á distinción da produción local, baixo uns parámetros de calidade e valor diferencial. O Grupo de Desenvolvemento Rural Costa da Morte é o promotor desta marca.

#terraatlantica #territorio #desenvolvementolocal #rural #costadamorte #galicia #produtolocal #gastronomia #festiletras #GDR

Participa do receitario da Costa da Morte Terra Atlántica

|

Costa da Morte Terra Atlántica continúa con actividades para poñer en valor a riqueza gastronómica, cultural e empresarial do territorio. En abril arranca un concurso de receitas, co fin de destacar á gran riqueza e calidade dos produtos destas comarcas, e no que os animamos a amosar as vosas destrezas culinarias participando no certame que se desenvolverá dende abril ata setembro. Podes elaborar unha receita e posteala no teu Instagram, baixo os hashtag #MarcaCostaDaMorte, #marcaterratlantica e etiquetar a conta @terra_atlantica. En outubro, seleccionarán as tres receitas que consigan máis “gústame” e as elexidas competirán en directo, nun dos establecementos de restauración adheridos á marca, polos premios que ofrece Terra Atlántica.

Costa da Morte Terra Atlántica ten programado tamén un laboratorio artístico en maio para mostrar todo o talento creativo que hai no territorio, así como propostas para os pequenos e as familias, no evento de Aventura de Xullo. As persoas interesadas poden obter información máis completa na web https://terratlantica.gal/.