Actualidade
As IXPs dos viños galegos continúan medrando
Viños das IXP de Galicia é un proxecto de cooperación dos Grupos de Desenvolvemento Rural no que colaboran adegas repartidas entre as cinco Indicacións Xeográficas Protexidas ao amparo das que se elaboran viños en Galicia. Impúlsase o sector vitivinícola a travñes das canles de comunicación e cooperación, ao tempo que se favorece o coñecemento dos produtos que elaboran as adegas e os recursos enoturísticos.
Continúan os Encontros Emprendedores no marco da Axenda Urbana 2030 do Concello de Santiago
A Axenda Urbana 2030 define os retos de futuro e un plan de acción para Santiago de Compostela, elaborada de forma participativa ao longo do 2022. A través dos Encontros Emprendedores difúndese a Axenda Urbana, poñendo en valor iniciativas empresariais na contorna aliñadas cos seus eixos estratéxicos.
O Grupo de Desenvolvemento Rural de Pontevedra - Morrazo aproba a súa estratexia 2023 - 2027 para o período LEADER
A Asemblea Xeral do GDR Pontevedra aprobou a semana pasada a súa Estratexia de Desenvolvemento Local 2023 - 2027 para orientar os Fondos LEADER. O obxectivo xeral da estratexia é o de promover o emprego, o crecemento, a igualdade de xénero, a inclusión social e o desenvolvemento local do territorio.
Publicados os resultados da enquisa á comunidade científica do CESGA
O Centro de Supercomputación de Galicia é un servizo público a disposición da comunidade científica, que permite realizar operacións de cálculo, comunicacións de altas prestacións e servizos avanzados para a Comunidade Científica Galega, o Sistema Académico Universitario e o Consello Superior de Investigacións Científicas (CSIC).
