Celebramos a xornada final do proxecto Tanza

O proxecto Tanza, que comezara no 2020 promovendo a cooperación entre distintos GALP galegos, rematou a semana pasada nunha xornada na que se presentaron as iniciativas resultantes. Logo de fomentar o achegamento entre o sector pesqueiro e as entidades de inclusión social en cada territorio, algunhas entidades decidiron colaborar na promoción de proxectos cuxo eixo é o coidado do medio ambiente e a sostibilidade do entorno. Nesta xornada final, na que participaron arredor de 50 persoas, presentáronse os proxectos de colaboración que obtiveron financiamento do FEMP: Burela – IN, Ártabro Inclusivo, Diversiplás, Centro para a transformación do lixo mariño, O Grove Sostible – Amecomar. Tanza é un exemplo de coordinación e colaboración, polo que dende Cidadanía queremos felicitar a todas as persoas implicadas neste proxecto, polo seu compromiso pola transformación social e ambiental.