Diversiplás: + diverso – plástico

Na Costa da Morte sitúase un proxecto que da unha segunda vida aos plásticos: Diversiplás + diverso – plástico. Esta iniciativa, coordinada pola Asociación Íntegro e financiada polo GALP Costa da Morte, teceu unha rede de entidades colaboradoras entre entidades do sector pesqueiro (confrarías, agrupacións de marisqueo a pé e asociacións de redeiras), e aos concellos da zona.

Mediante a colaboración entre entidades, preténdese avanzar cara unha Costa da Morte máis sostible, equilibrada e respectuosa co medio ambiente. Esta iniciativa nace hai dous anos, despois de participar no proxecto de cooperación Tanza, que promovía a economía circular.