A Deputación da Coruña, xunto con ANMUPESCA, presentan este mapa interactivo que dimensiona a presenza de mulleres no sector primario, na transformación do produto pesqueiro e na súa comercialización. Faise referencia, ademais, ás redeiras e ás asociacións de mulleres do mar.
A fundación Eduardo Pondal desenvolve o proxecto Nove Mares: a cultura do mar na Costa da Morte. Un proxecto para a economía azul sostible no que, a través de espazos de participación, descubriremos o potencial da cultura arredor do mar para o desenvolvento do territorio.
Elas Deciden é un proxecto de cooperación internacional promovido dende 2019 por Asamblea de Cooperación pola Paz. Neste 2024, acompañamos esta iniciativa arredor da equidade de xénero elaborando unha exposición fotográfica de mulleres da pesca en Galicia e no Salvador.
Solidariedade Internacional de Galicia promove O Globo, un proxecto que pon no centro a participación da mocidade para a transformación social. Entre xaneiro e marzo desenvolve unha formación arredor da educación para a cidadanía global como ferramenta socioeducativa.
Os orzamentos participativos son un proceso propositivo e de toma de decisións vinculantes onde a mocidade decide onde destinar 100.000 € do orzamento municipal para a programación de actividades que se desenvolverán ao longo do 2024.
O Globo é un proxecto promovido por Solidariedade Internacional de Galicia que xira entorno á promoción de microexperiencias de transformación social, da educación para á cidadanía global e da participación social da mocidade e entidades sociais.
As Indicacións Xeográficas Protexidas dos viños galegos é un proxecto de cooperación promovido polos GDR galegos, cuxo obxectivo é promover e visibilizar a calidade dos viños e as adegas locais, vinculadas aos territorios.
As empresas da Economía Social e Solidaria (ESS) levan máis de unha década desenvolvendo esta ferramenta de medición de impacto: un exercicio de transparencia do que xa son referentes. O Balance Social permite coñecer o estado de cumprimento dos principios da ESS: equidade, traballo digno, sostibilidade ambiental, cooperación, compromiso coa contorna e reparto xusto da riqueza.
A Secretaría Xeral da Igualdade ofrece formación ás entidades locais para a constitución formal da Mesa Local de Coordinación Interinstitucional contra a violencia de xénero. Así mesmo, acompañamos a aquelas Mesas Locais xa en funcionamento, para unha avaliación da súa operatividade e estratexias para o seu impulso.
A finais de outubro acompañamos a REAS Galicia nesta xornada participativa arredor da Economía Social e Solidaria e os seus valores centrais, entre os que se atopa a equidade
Cidadanía Rede de Aplicacións Sociais, S. Coop. Galega.