Viños das IXP de Galicia é un proxecto de cooperación dos Grupos de Desenvolvemento Rural no que colaboran adegas repartidas entre as cinco Indicacións Xeográficas Protexidas ao amparo das que se elaboran viños en Galicia. Impúlsase o sector vitivinícola a travñes das canles de comunicación e cooperación, ao tempo que se favorece o coñecemento dos produtos que elaboran as adegas e os recursos enoturísticos.
A Axenda Urbana 2030 define os retos de futuro e un plan de acción para Santiago de Compostela, elaborada de forma participativa ao longo do 2022. A través dos Encontros Emprendedores difúndese a Axenda Urbana, poñendo en valor iniciativas empresariais na contorna aliñadas cos seus eixos estratéxicos.
A Asemblea Xeral do GDR Pontevedra aprobou a semana pasada a súa Estratexia de Desenvolvemento Local 2023 – 2027 para orientar os Fondos LEADER. O obxectivo xeral da estratexia é o de promover o emprego, o crecemento, a igualdade de xénero, a inclusión social e o desenvolvemento local do territorio.
O Centro de Supercomputación de Galicia é un servizo público a disposición da comunidade científica, que permite realizar operacións de cálculo, comunicacións de altas prestacións e servizos avanzados para a Comunidade Científica Galega, o Sistema Académico Universitario e o Consello Superior de Investigacións Científicas (CSIC).
O globo é un proxecto promovido pola ONGD Solidariedade Internacional de Galicia, que promove microexperiencias de transformación social a través da Educación para a Cidadania Global.
Este ano recibimos a axuda do programa Impacto Autónomo, concedida pola Consellería de Emprego e Igualdade. A finalidade deste programa é a concesión dunha axuda económica ás persoas traballadoras autónomas e microempresas para facer fronte á situación económica xerada pola suba dos custos das materias primas e subministracións, que afectan e condicionan a actividade económica.
O Peirao, Federación galega de redeiras artesás, vén de presentar este estudo que acouta a este colectivo de mulleres do mar, aborda as condicións sociolaborais destas profesionais, e identifica os retos de futuro das redeiras galegas, un eslabón fundamental do sector pesqueiro.
Tanza é un proxecto de cooperación desenvolto polos Grupos de Acción Local Galegos para o impulso da economía circular. A iniciativa, desenvolta en distintos territorios, puxo en conversa ao sector pesqueiro e ao ámbito da inclusión social, no impulso de iniciativas conxuntas que cristalizaron en #BurelaIN, Ártabro Norte Inclusivo, #Diversiplás, Aula Sostible do Freixo e AMECOMAR.
As mesas de coordinación inter – institucional contra a violencia de xénero teñen un dobre obxectivo: mellorar a atención ás mulleres en situación de violencia, e reforzar a prevención mediante a dinamización dos territorios cara á igualdade de xénero.
A Rede de innovación en procesos participativos (RIEPP) vén de recoller colectivos e entidades promovendo a participación social ao longo da península.
Cidadanía Rede de Aplicacións Sociais, S. Coop. Galega.